Thursday, May 12, 2016

හෝබෝ?

හැබෑට මොකද්ද මේ 'හෝබෝ' කියන්නෙ?

'හෝබෝ' කියන්නෙත් 'බොහො' (බොහීමියානු යන්න කෙටියෙන් හඳුන්වන ආකාරය ) යන්නමද? නෑ, 'හෝබෝ' සහ 'බෝහො' අතර ලොකු වෙනසක් තියනවා. 'බෝහො' හෙවත් 'බොහීමියානු' යන්නෙන් අරුත් ගැන්වෙන්නෙ 'සංස්කෘතිකමය හෝ සමාජයීය වශයෙන් වෙනස් කියවීමක්, ප්‍රවේශයක් ඇති' කියන එකයි. 'හෝබෝ'යන්නෙන් අදහස් වෙන්නෙ 'කිසියම් ආදායම් මාර්ගයක් සලසා ගනිමින් තැනින් තැන ඇවිද යන්නා' කියන එකයි. ඒ වගේම මෙහිදී වැඩි වැදගත්කමක් දෙන්නේ ආදායම් මාර්ගයක් සලසා ගන්නවා කියන එකට නොවෙයි, තැනින් තැන ඇවිද යනවා යන්න ඇගවීමටයි. හෝබෝ ජීවිතයක් ගත කරන්නෙකු මූලිකත්වය දෙන්නේ සංචාරය කිරීමටයි. මුදල් ඊට පහසුවක් සලසන්නක් පමණයි.  එකදාස් අටසිය ගණන් වලදී තමයි එක්සත් ජනපදයෙන් මේ 'හෝබෝ' කියන වචනය බිහිවෙන්නෙ. 

හරි, එතකොට මම? මම හෝබෝ කෙනෙක්ද....? කුන්ග්-ෆූ කතාවේ කේන්, නැතිනම් ජැක් ශෙෆර් ගේ ෂේන් වගේ මම ඔරිජිනල් හෝබෝ කෙනෙක් නෙවෙයි, මම කතාන්තර සොයා යන්නෙක්. දුර ඈත රටවල, සංස්කෘතිවල පුරාණ මිනිස්සුන්ගෙ මනසින් බිහිවුණු අපූරු චරිත දඩයම් කරමින් යන හෝබෝ කෙනෙක්. ලෝකෙ සෑම ජන කොටසක්ම අතිශය අපූරු බව සිතන, පිට කසා දෙන් පූසන් සිටින මහ මූකලානට ආදරය කරන සයිකො හෝබෝ කෙනෙක්. 

2 comments:

  1. ඔන්න එහෙනං ඒකත් දැනගත්තා

    ReplyDelete
  2. හෝබෝගේ රාජකාරිය අකුරුටම ඉස්ට කරන්ඩ.. හොදේ.. ජය

    ReplyDelete